Сретение Господне
 |  |  |  |  |  |  |  |  |  |  |  |  |  |
И се, бе человек во Иерусалиме, емуже имя Симеон И человек сей праведен и благочестив, чая утехи Израилевы: и Дух бе Свят в нем И бе ему обещанно Духом Святым, не видети смерти, прежде даже не видит Христа Господня И прииде Духом в церковь И егда введоста родителя Отроча Иисуса, сотворити има по обычаю законному о Нем, и той приемь Его на руку своею, и благослови Бога, и рече: ныне отпущаеши раба Твоего, Владыко, по глаголголу Твоему, с миром: яко видесте очи мои спасение Твое, еже еси уготовал пред лицем всех людий: свет во откровение языком, и славу людий Твоих Израиля И бе Иосиф и Мати Его чудящася о глаголемых о Нем И благослови я Симеон, и рече к Марии Матери Его: се, лежит Сей на падение и на востание многим во Израили, и в знамение пререкаемо: и Тебе же Самой душу пройдет оружие: яко да открыются от многих сердец помышления Святое Благовествование Луки |
Святый вселенский вторый собор бысть при царе Феодосии велицем, в Константине граде, сшедшимся сту и пятидесятим Святым Отцем от различных мест, на Македония духоборца
Возглашение того святого собора, к благочестивому царю Феодосию великому, к нему же приписаша изложенная от них правила Боголюбивому и благочестивому царю Феодосию, святый собор епископов, иже от различных областей, сшедшихся в Константин град: начало нам написанию еже к твоему благочестию, благодарение к Богу показавшему, вашего благочестия, царство, на общии мир церквам, и здравей вере на утверждение: отдающе же Богови должное благодарение с потщанием, и бывшая на Святем соборе, к твоему благочестию писанием посылаем, яко сшедшеся в Константин град, по писанию твоего благочестия: первое убо обновихом, еже друг к другу соединение, потом же и правила вкратце изложихом И святых отец веру яже в Никеи утвердихом, и воздвигшиеся на ню ереси прокленше К сим же и о благочинии святых церквей, явствена правила повелехом, яже убо к сей нашей грамоте приписахом Молимся ныне твоей кротости, грамотою твоего благочестия, утвердити суд святаго собора Да якоже созвавшими нас грамотами церковь почтил еси, тако и на соборе сотворенных запечатлееши конец Господь же да утвердит царство твое в мире и в правде И да приложит ти к земней державе, небесного царства наслаждение Здрава тя суща, и во всех добрых сияюща, Бог да дарует вселенней, молитвами святых, яко воистину благочестивого и боголюбивого царя Сия правила изложиша, в Константине граде, благодатию Божиею сшедшеся епископи сту пятидесяти от различных областей, повелением благочестивого царя Феодосия великого
| Яже в Никее святых отец вера твердо да держится и пребывает Реченая же и писаная на ню от еретик и еретики да будут прокляти Се правило разумно |
| Предел ради никто же да смешает церковь ни поставляет презвитера ни епископа сущия же в языцех Божия церкви святых отец обычай да держат |
| Константина града епископ по римстем почтен есть |
| Максим, глаголемый циник, от епископов чужд, и всяко не священ, иже от него в причет прият бысть |
| Западных епископов повеление, еже Отца и Сына и Святаго Духа, единосущна, и едино Божество исповедють Се бо изложивше на свице написаша, и да будет благоприятно от всех |
| И зловерен аще преобиден да глаголет на епископа Аще же будет о церковном согрешении да не глаголет Да не глаголет же ни ин иже прежде в пороцех познан бысть Да не глаголет ни отверженный от общения или оклеветываемый в ничем дондеже отложит свое Да глаголет же правоверный и приобщенный и незнаемый в пороце и не оклеветанный и да явит согрешение сущим во власти Аще же не возмогут исправити к большему собору да идет И без писания еже рещи се постражду аще криво глаголя да не услышано будет Чрез сицевая же к церкви приходя и молву творя отвержен |
| Четыренадесятницы иже и средницы глаголются и ариане и наватиане и македониане и саватиане и аполлинарите,писание вдавше приятни помазующе токмо вся чувства |
| Иже единем погружением крещающеся, евномиане, и савеллиане, и фриги, яко елли ни прияти будут |
Иже и правил изложиша осмь
Книга «Кормчая» Номоканонъ 1650г. (PDF)