Знамение
Сотвори начаток знамением Иисус в Кане Галилейстей и яви славу Свою
Звезда.

И в третий день брак бысть в Кане Галилейстей: и бе Мати Иисусова ту

Зван же бысть Иисус и ученицы Его на брак

И недоставшу вину, глаголгола Мати Иисусова к Нему: вина не имут

Глагола Ей Иисус: что (есть) Мне и Тебе, Жено? Не у прииде час Мой

Глаголгола Мати Его слугам: еже аще глаголет вам, сотворите

Беху же ту водоноси каменни шесть, лежаще по очищению Иудейску, вместящии по двема или трием мерам

Глагола им Иисус: наполните водоносы воды. И наполниша их до верха

И глагола им: почерпите ныне и принесите архитриклинови. И принесоша

Якоже вкуси архитриклин вина бывшаго от воды, и не ведяше, откуду есть: слуги же ведяху почерпшии воду: пригласи жениха архитриклин

и глагола ему: всяк человек прежде доброе вино полагает, и егда упиются, тогда хуждшее: ты (же) соблюл еси доброе вино доселе

Се сотвори начаток знамением Иисус в Кане Галилейстей и яви славу Свою: и вероваша в Него ученицы Его

Святое Благовествование Иоанна

Правила святого вселенского шестого собора, в Константине граде, в Трулле полатнем, рекше, в тереме царских палат правил, сто два

Благочестивому и христолюбивому царю Иустиниану, святый вселенский собор, по божественному повелению, и благочестивыя вашея державы, собравшеся в сем богохранимом царствующем граде, неизреченней и божественней благодати, избавителя и Спаса нашего Исуса Христа, всю объемши землю, и живоносному истины проповеданию, во ушию всех утверждьшуся. Людие убо седящии во тме неведения, свет видеша велии и разумныи, и прелестных свободишася, царство небесное древнею работою изменьше. А иже доброты первого свидетельства, возвышением отринув ны, отриновеныи первыи змий великий ассирийский, от прежде плененных побеждается, и бывает силою воплощьшагося Слова, всея крепости чужд: яко же есть писано (Псал. 9), яко оружия врагу погибоша в конец. Всюду бо служба словесная узаконена есть, и приношение возносится, и Бог жрем и раздаваем, в телесное купно и душевное снабдение, и боги творит приемлющие: отнюду же и беси прогоняются, и честное человеческое собираяся торжище в соборницах тайных освящается, и пищный рай отверзеся, и в конец вся быша нова. Но понеже человекоубийца диавол, единою Богу вседержителю противлься, и поболев, вверже недуг отступления, и на небо возлетевших начатком нашим, не терпя зрети нас восставших от плененного падения; сеже есть со Христом, давшем Себе избавление за ны, не преста злобныя стрелы подвижа, и верныя уязвляя страстьми, яко да отлучит данного нам действа законного и духовного, чести же и благодати. Но благи наш Бог, и страстоположитель, и спасения начальник, не презре беспомощны нас во вся роды, противу восставляя сущия в житии сего поприща, во благочестии оружия, ополчающаяся нань и сим составляюще брань, иже духовный извлекше меч, еже есть глагол Божии, и тако стражшеся с лукавым, еже на ны мучение его разрушиша, наставницы стадом бывша, и пути Господни людем правяще, и да не в первого беззакония неведения лучшего поползшеся падут. Подобаше бо даровавшему нам житие, и толицем величеством смирения и восхождения род наш претворша, и к себе возвавша, и возведша, во благое стезю нам показавша, церковными светлыми учители световодящими наши стопы яже о Бозе, и ко Евангелию устремляющими, их же житие на небесех есть по божественному Апостолу (Филипп. 246). Тем же и ныне нам свое житие провождающим леностне, и мыслию праздною спящим, яко внити на не хранимыя разбойнику врагу, и помалу добродетель украдшу, злобу нань нанести: его же великому сему, всего мира хранителя кораблю Христос Бог наш, тебе мудрого нашего кормчию, благочестивого царя заступника воистину востави, устрояюща словеса на суде, храняща истину в веки, творяща суд и правду посреде земли, и непорочным путем ходяща, его же мудрость порождьши и соблюдши, и добре добродетельными воспитавши же и украсивши, и божественного исполнивши Духа, око вселенней яви ума чистотою, и светлостью просвещающа светле подвластныя: ему же свою церковь преда, и закону ея поучатися нощь и день научи, на устроение и возграждение сущим под рукою людем, иже теплотою яже к Богу любве, ревнителя Финееса преспев, и грех прободь копием, благочестия же и разума стадо, злобы же и пагубы изяти изволив. Подобаше бо приимшему от вышнего повеления, правление человеческого рода, не токмо о своих пещися, и свое житие правити, но и все обладаемое от треволнения спасти, и многого греховного смятения, потопляющим отовсюду лукавым духом, и телом смирения нашего смущающим. А понеже Святая и вселенская два собора, яже в сем богохранимом царствующем граде собрашася, ово убо в лета Иустиниана божественныя кончины: ово же при бывшем во благочестивей памяти царе нашем Константине, отце твоея кротости, еже о вере отечески изъяснити таинство, никакоже чистых правил писаша, якоже прочии святии четыре вселенские собори: ими же отступят убо людие, хуждьшего и смиреннейшего жития, на лучшее же и вышнее приложатся житие. Отсюду же язык святый, царское чистительство, занеже Христос умре, от многих бесчинием страсти оттерзаеми и отвлачими, и помалу от божественныя ограды отторгшеся, и отсекше, и неведением забывают добродетельных исправлении поползшеся, и Апостольские речи и Сына Божия, поправше: и кровь завета, ею же освятишася (Евреом. 324), общею мневше, духовную похулиша благость, яко избранныя люди, зело собрати восхотев, уподобишася взыскавшему на горах, заблуждьшее овча, пастырю Христу, и в Его устроити дворе, и повинути хранити, заповеди же и божественная повеления их же ради мертвых отлучающеся дел, оживляемся. Все же разумев спасение смотрения, и Бога взыскав по глаголющему слову, ищаи Господа обрящет разум с правдою: право же ищущи обращут мир. Святый сей избранный вселенский совокупився собор, повелел еси, да многих совокупив, советом же и единодушием исправитися в подобу тщимое. Но аще и како останок еллинския, или иудейския злобы воистину в зрелую пшеницу вместился будет, из корене яко плевелы да восторгнет вся, и чиста явится церковная нива. Идеже бо еста два или трие собрани во имя Мое, ту есмь посреде их (Мф. 76), господскии глас рече. И паки Иеремием нам возва, взыщите Мене всем сердцем вашим, и явлюся вам. О сих убо по повелению твоего благочестия, сшедшеся в сем богохранимом царствующем граде, правила честная написахом. Тем же твоему благочестию молимся, прежде собравшихся в сем богохранимом граде, при благочестивем бывшем нашем царе Феодосии, глас ти приносяще. Да якоже звания писмены церковь почтил еси, тако и написанных благочестивыми писмены, запечатаеши конец. Господь же да утвердит царство твое в мире и правде, и препустит в род и род, и небесного царствия наслаждение подаст

Апостольская вера непреложна, и яже в Никеи святых отец, цела да пребывает, иже Ариево веление низвергоша, степени вводящее божеству, единосущия ради
Климентовы заповеди сей святый собор, 6-й, некия ложная списания, от церкве отверже
Не благословляют бо отступлении, и иже беззаконно женившиеся, и иже поставлени совокупльшиеся, по речении времене степень да познают, без успеха пребывающе; сиречь совокупления оставльшеся
Причетник невесту Божию сочетав себе, да извержется: мирский же, да отлучится
Иерею жен в дому своем, кроме не зазорных лиц не держати
Иереом и диаконом иподиаконом, прежде поставления к браку приходити
Диакон, аще не посол, выше пресвитера да не седает
Собору от епископ на коеждо лето бывати
Аще влазити в корчемницы возбранено есть причетником, множае паче имети ю возбранится; или убо останется от того, или да извержется
Лихвы священным не имати
Опресноци иудейстии отвержени
Епископом с женами не жити
Аще и римляне, на диаконство и на пресвитерство приводими пустити жену повелевают, мы же целу быти диаконскому и пресвитерскому сожитию повелеваем
Пресвитер прежде тридцати лет: и диакон прежде двадцатипяти лет: и диакониса прежде сорока лет, да не будут поставлени
И прежде 20-и лет иподиакони да извергнутся
Каяждо церковь против имения причетники да имать
Приемляи чуждого причетника, и поставляяи, с поставленным зде, и сам да извержется
Причетник, отлучивыися от своея церкве, паки да возвратится
Епископом и иереом на всяк день, паче же в недельный день люди учити божественным повелениям
Епископ в ином граде в народе да не учит
Иже отнюдь извержен, и в простые люди отриновен, покаявся, да стрижется токмо
Епископ и пресвитер, и диакон, и всяк причетник поставлен быв на мзде, да извержется и с поставльшим его
Причащающему люди ничто же взимати
Причетником набраце при игрецах не быти
На краех и посреде сел пределы за тринадесять лет держими бывше, да держатся
Пресвитер в беззаконен брак впад, и извержен быв, седание с пресвитеры да имать токмо, обаче прежде разрешенному бывшу скверному браку
Всяк причетник ни в дому своем ни на пути, в неподобные ему ризы да не облачится
Гроздие в подобное время к жертвеннику приносити
Неции от отец в день божественныя вечери, по вечери приношаху бескровную жертву: изволися убо собору сему невозможно бывати, ни в великий пост последния недели четвертка разрешати, и всего поста бесчествовати
Удаляющиися своих жен, к тому да не совокупляются с ними
Пресвитеру в домовни церкви без повеления епископля не служити
Службы без вина и без воды не совершати
Аще и от священнического рода не достоин кто, да не внидет во священство
Аще которые причетницы, или мниси совещаваются клятвами утверждающееся, или советы творят на зло, или совещавают на епископа, или на игумена, или на друга своего причетника, степене своего да отпадут
Скончавшуся епископу, причетницы да хранят имение
Константин граде старейшинствомъ по чине бысть
Епископ варварского ради нахождения согнан и лишен престола, седалище свое да имать и да поставляет, и вся священническая действует известно
Град новосозданный да будет под епископом, по царскому написанию
Новый Иустиниан град обладание да имать Константина града, и того первое первопрестольник, всем еллеспонстким, к ним же преселися, да старейшенствует, и от своих епископ да поставляется, яко же во Ефесе отцы заповедаша
Иночествовати хотящего не меньше десяти лет постригати
Затворитися хотяи по пострижении четыре лета скончав да внидет в затвор
Старец власы растя, мняся пустынник быти, аще не острижется ни внидет в монастырь, из града изженется
Иночествовати хотяи, никем да не будет удержан
Мних женяися, или блуд творяи, да приимет запрещение блудника
Иночествовати хотящих, в брачные ризы не облачати
Инокиням из монастыря без благословения игумении не исходити, и вне монастыря не спати
Женам в мужском, а мужем в женском монастыре не спати
Распустившуюся с хотящим прияти епископское первоседание, по поставлении его да внидет в монастырь, иже есть далече от епископии, 6 поприщ, и да приемлет потребу от епископа
Елицы же монастыри повелением епископа своего создани бывше, к тому да не будут мирские жилища, и мирским человеком да не отдадутся
Христианом играти не подобает: ни глумищ деяти, не позорищ глядати
Ни шпильманом быти, ни позорищ глядати, ни лова деяти, отлучаютбося: причетницы же се творящи, измещутся
Во весь Великий пост, разве суббот и недель, и дне святого благовещения, преждеосвященными службу да содевают
Духовное сродство, больше телесного сродства
Не простиши брату чаду брата чаде пояти, ни отцу и сыну, дщере и матере, ни двою девицу сестреницу сынови и отцу, ни двема братома матере и дщере, ни двою сестреницу двема братома
Суббот в Великии пост не постити
Армени во святыи Великии пост, сыр и яйца едят по вся субботы: повеле убо собор сей от того удалятися
Во олтарь не подобает меда и млека приносити
Мирский человек не причащает сам себе
Крещения в домовых церквах не творити
Иже своею волею бесится, беснующихся запрещение да приимет
Волхвов и скомрасей в домы не приводити, и к ним не ходити: но и бегати
Еллинских обычаев удалятися, личин на ся не налагати, и плясания не творити
Яже от еллин сложенная мучения святых, во святыя церкви да не вносятся
Не вси бо пророцы, еда (ниже) убо вси апостоли
Огня пред домом не запаляти и не прескакати
Неделю светлую всю в церкви пребывати
Неции убо угождения ради чревного, кровь коего либо животного, хитростию некоею сотворяют снедну, аще глаголется колбасы, и ина таковая, и тако кровь едят
Не раздереши книг, ни даси на растерзание, дондеже сами да конца истлеют
Миряном в алтарь не входити кроме царя
Женам глаголати в церкви не повелено есть
Отлучен бывает закону учаися, градскому и обычаем еллинским придержася, и на позорища ходя, и играя, или паче общих риз во ины облачается
Христианом с еретики не брачитися
Иже на земли крест написан, да загладится
Пирове в церквах не творятся, ни трапезы не поставляются: но котории аще останутся от того, да отлучатся
Пение умиленно пети ничтоже прилагая
Корчмам и куплям в притворах церковных не быти
Всяк христианин, с женами в бани да не мыется
Хотяи просветитися, веру да исповесть в четверток коеяждо недели
Муку варяи по рождестве да отлучится
Аще не нужды ради отстанет кто от церкве за три недели, не приобщен да будет
К трисвятому пению прилагаяи, распныися, иноверен есть
Не напиши агнца, во образ Христа, но того самого
Свобожден раб быв от своего господина пред двема послухома, да будет не порабощен никим же; се разумно
Мертвому недати причастия
Иже не ведят, ни послух же не имеют, аще крещени бывше, да крестятся
Иже собирает блудницы жити в дому своем на поползение и на грех душам, да отлучится
Яже от мужа пущена бывши жена, за другого пойдет, прелюбодейца есть: и пустивыи жену свою, и ину поим, прелюбы творит, по Господню глаголу
Внутрь святилища да не введется скотина, аще, не постигнет на пути некая нужда
В великую субботу, до полунощи поститися достойно есть
Коленопреклонение в неделю не бывает
Убийцы суть, детогубная зелия дающии
Мужеви без вести бывшу, и не уведевши о нем жена его, идет за иного, прелюбы сотворит: да возвратившуся мужу, аще хощет, да поймет ю
Еллинскими клятвами кленыися, запрещение да приимет отлучение
Восхищающии жены на брак, и действующии с ними и помогающии им, причетницы убо да извергнутся, мирстии же человецы прокляти да будут
Еретиков како приимати
Иже власы плетуще, и веюще, или мудростию некоею шяряще на вред зрящим, да отлучатся
Внутрь церквей святых, и в притворех с женами и без жен, яко в простых домех не жить
Прелюбодей есть, иже иному обрученую поймет, живу сущу обручнику ея
Мяс в церковь не вносити
Иже на срамная дела подвизают видение писания, да не пишутся: преступаяи же се, да отлучится
Причащающемуся пречистого тела и крове Христовы, длани крестообразно имети
Сотворения греховного вина, над всеми да смотрится, и обращение кающегося, да познавается, и тако мерится милость

Книга «Кормчая» Номоканонъ 1650г. (PDF)