Распеншии же Его разделиша ризы Его
 |  |  |  |  |  |  |  |  |  |  |  |  |  |
И пришедше на место нарицаемое Голгофа, еже есть глаголемо Краниево место, даша Ему пити оцет с желчию смешен: и вкушь, не хотяше пити Распеншии же Его разделиша ризы Его, вергше жребия: и седяще стрежаху Его ту: и возложиша верху главы Его вину Его написану: Сей есть Иисус, Царь Иудейский Тогда распяша с Ним два разбойника: единаго о десную, и единаго о шуюю Мимоходящии же хуляху Его, покивающе главами своими и глаголюще: Разоряяй церковь и треми денми Созидаяй, спасися Сам: аще Сын еси Божий, сниди со креста Такожде же и архиерее ругающеся с книжники и старцы (и фарисеи), глаголаху: иныя спасе, Себе ли не может спасти? Аще Царь Израилев есть, да снидет ныне со креста, и веруем в Него: упова на Бога: да избавит ныне Его, аще хощет Ему. Рече бо, яко Божий есмь Сын Тожде же и разбойника распятая с Ним поношаста Ему От шестаго же часа тма бысть по всей земли до часа девятаго: о девятем же часе возопи Иисус гласом велиим, глаголя: Или, Или, лима савахфани? Еже есть, Боже Мой, Боже Мой, вскую Мя еси оставил? Нецыи же от ту стоящих слышавше глаголаху, яко Илию глашает Сей И абие тек един от них, и приемь губу, исполнив же оцта, и вонзе на трость, напаяше Его Прочии же глаголаху: остави, да видим, аще приидет Илиа спасти Его Иисус же, паки возопив гласом велиим, испусти дух И се, завеса церковная раздрася на двое с вышняго края до нижняго: и земля потрясеся: и камение распадеся: и гроби отверзошася: и многа телеса усопших святых восташа: и изшедше из гроб, по воскресении Его, внидоша во святый град и явишася мнозем Сотник же и иже с ним стрегущии Иисуса, видевше трус и бывшая, убояшася зело, глаголюще: воистинну Божий Сын бе Сей Бяху же ту и жены многи издалеча зрящя, яже идоша по Иисусе от Галилеи, служащя Ему: в нихже бе Мариа Магдалина, и Мариа Иакова и Иосии мати, и мати сыну Зеведеову |
Бысть, повнегда в плен отведен бе Израиль, и Иерусалим опустошен бяше, сяде Иеремиа пророк плачущь, и рыдаше рыданием сим над Иерусалимом и глаголаше: Како седе един град умноженный людьми: бысть яко вдовица, умноженный во языцех, владяй странами бысть под данию. Плачя плакася в нощи, и слезы его на ланитех его, и несть утешаяй его от всех любящих его
Вси дружащиися с ним отвергошася его, быша ему врази. Преселися Иуда ради смирения своего и ради множества работы своея: седе во языцех, не обрете покоя вси
Гонящии его постигнуша и среде стужающих ему. Путие Сиони рыдают, яко несть ходящих по них в праздник, вся врата его разорена, жерцы его воздыхают
Девицы его ведомы, и сам огорчеваемь в себе. Быша стужающии ему во главу, и врази его угобзишася, яко Господь смири его за множество нечестия его
Младенцы его отидоша пленени пред лицем стужающаго. И отяся от дщере Сиони вся лепота ея быша
Князи ея яко овни не имущии пажити, и хождаху не с крепостию пред лицем гонящаго
Помяну Иерусалим дни смирения своего и отриновений своих, вся вожделения своя, яже имеяше от дний первых, егда падоша людие его в руце стужающаго, и не бе помагающаго ему: видевше врази его посмеяшася о преселении его. Грехом согреши Иерусалим, того ради в мятеж бысть: вси славящии его смириша и, видеша бо срам его
сей же стенящь обратися вспять
Нечистота его пред ногама его, не помяну последних своих и низведеся пречудно: несть утешаяй его. Виждь, Господи, смирение мое, яко возвеличися враг
Руку свою простре стужаяй на вся вожделенная его, виде бо языки вшедшыя во святыню свою, имже повелел еси не входити во
Церковь Твою вси людие его воздыхающе ищут
Хлеба даша вожделенная своя за пищу, еже бы обратити душу. Виждь, Господи, и призри, яко бых безчестен. Вси, иже к вам проходящии путем, обратитеся и видите, аще есть болезнь, яко болезнь моя, яже бысть
глаголавый о мне смири мя Господь в день гнева ярости Своея
Съ высоты Своея посла огнь, в кости моя сведе его: простре сеть ногама моима, обрати мя вспять, даде мя Господь в погубление, весь день болезнующа. Бдяше на нечестия моя, в руку моею сплетошася: взыдоша на выю мою, изнеможе крепость моя, яко даде Господь в руце мои болезни, не возмогу стати
ОТя вся крепкия моя Господь от среды мене, призва на мя время, еже сокрушити избранныя моя: точило истопта Господь девице, дщери Иудине: о сих аз плачу
ОЧи мои излиясте воду, яко удалися от мене утешаяй мя, возвращаяй душу мою: погибоша сынове мои, яко возможе враг. Возде руце свои Сион, несть утешаяй его
Заповеда Господь на Иакова, окрест его врази его: бысть Иерусалим яко осквернена кровоточением в них. Праведен есть Господь, яко уста Его огорчих. Слышите убо, вси
Людие, и видите болезнь мою: девицы моя и юноты отидоша в плен. Позвах любители моя, и тии прельстиша мя
Жерцы мои и старцы мои во граде оскудеша, яко взыскаша пищи себе, да укрепят душы своя, и не обретоша. Виждь, Господи, яко скорблю, утроба моя смятеся во мне, и превратися сердце мое, яко горести исполнихся: отвне обезчади мене мечь, аки смерть в дому
Слышаша убо, яко воздыхаю аз, несть утешающаго мя
Вси врази мои слышаша злая моя и порадовашася, яко Ты сотворил еси: привел еси день, призвал еси время, и будут подобни мне
Да приидет вся злоба их пред лице Твое, и отреби их, якоже сотвориша отребление о всех гресех моих, яко многа суть стенания моя, и сердце мое скорбит